香港新浪網 MySinaBlog
« 上一篇 | 下一篇 »
曉蕾Leila | 13th Jun 2007, 19:13 | 採訪背後

平均分: 10.00 | 評分人數: 1

獅子山下,人人怨氣沖天,還有電影拍攝香港二十五年興衰──是大起大落的悲情戲,還是欲知後事如何的懸疑片?
居然是一部喜劇。
社會很大很大,阿金很小很小,卑微如地下塵土,話事輪唔到,出事一定有份。
地鐵通車,她坐頭班車去搵食;人靚靠樣,人醜靠搞笑,都搵得兩餐架;真係無得爭,轉個場囉,最好當然「人無我有」,差少少「人貴我平」,再唔得「人平我走」。不過呢,衰運一到,肥彭要走樓市要瀉連雞都要死。阿金折墮到排隊輪飯盒,依然嘻嘻哈哈,笑唔出都要笑,因為阿金是賣笑的。
人客來來往往,衣服穿穿脫脫,從一張床到另一張床之間,二十五年混過去,阿金到底想說什麼?

臨別秋波,找到四年前自已一段舊文,很受打擊:點解生鬼咁多?而家寫唔番!!

係咪年紀大?定係太憂國憂民玩死自己?

當年應該是寫導演趙良駿的<金雞>,今個星期要寫他的<老港正傳>,沉重到想死.

離開後一定要好好放假,沖走不忿和憤怒,勝出空位裝好東西.


[1] 相反

金雞係二零零三年作品,老港係二零零七作品。時隔四年,香港都好唔同啦。

二零零三年,香港好多人最後悔的是自己仲有一層樓;二零零七年,香港好多人最痛恨的是自己手上買的國企股不夠多。

點同啊?

那時真係好黑暗啊。所以更加要寫得好笑啲,吾係人都癲啦。而家,你睇大陸股市,既然已經有人開始癲了,做記者,只好板起臉提出憂國憂時的警告。

別人歡樂,我們給人警告。

別人悲傷,我們給人快樂。

文章係心境的一面鏡——是反映,有時是倒影。


[引用] | 作者 帝莊 | 13th Jun 2007 22:31 | [舉報垃圾留言]