香港新浪網 MySinaBlog
« 上一篇 | 下一篇 »
曉蕾Leila | 16th May 2009, 08:48 | 採訪背後

學生在畢業禮上說起畢業作品雜誌的〔辛酸〕:〔我們採訪找不到地方,打電話問曉蕾,給她罵:做記者不可以這樣的!〕

一來沒有教書先生的耐性,二來連地點也沒查明就衝上去,則是基本準備也無.

當年初出道在電台當記者,上司有次狠狠批評打電話來的應徵者:〔居然問我電台地止址在哪裡!若連地方不找到,別當記者了!〕我聽了也有好長一段時間都不敢開口問地方,袋裡永遠有本地圖,後來發現,一般秘書小姐或接待員都很高興告訴你前往方法,甚至有私人小貼士,問,要看對象.

喜歡當記者的理由:哪有工作會給錢你問問題!

然而最好的答案,往往不是問回來的.

問題宜精不宜多,試過接受訪問,居然傳來近三十條問題,條條方向不一亦多猜測假設,顯然沒抓到重點.

扼要地列出幾條必問的,先問相對容易打開話閘子的.採訪最重要,不是問,是聽,被訪者沒說出來的,比說出來的更重要.

如果問問題的時間比對方回答的還要長,那是失敗的採訪,愛議論的人寫評論好了.

一條問題,隨時牽引半小時的對話,得到事前沒想像得到的資料,才可能有驚喜.期間一邊談,一邊暗暗查看原先想問的問題,那些答了,那些不,那些要改變角度再問,那些是更有意思的方向,心裡有數.突然聊到一點可以發展的,或是要澄清的,先用別的顏色筆打個記號,適當時刻再專心追問.訪問,往往不是一問一答,如魚杆釣魚,而是撒下漁網,能收能放,你總是知道網裡有沒有你想要的魚.

一心多用,轉數快.

最忌沒聽,拼命問完事先列好的問題,下筆才發現都是一堆零碎,發展不起來.

談下去,還有許多,突然寫這個,是因為昨天和傳媒好友喝酒,摻了個新人,大家聊什麼,她都問:那是什麼?而且專問男的,終於給我搶白了一句:〔不知道就自己上網查好了!〕

也討厭電影戲劇出現的記者,總是一窩蜂追問七嘴八舌的,只要發聲,不要答案.


[1]

果然好功夫喎, 不過我好怕你地班記者, 比你地寫幾句, 邊度都唔洗去.


[引用] | 作者 wind | 16th May 2009 20:26 | [舉報垃圾留言]

[2] Re: wind

分開新聞報導和人物訪問來說吧.
好的人物訪問,問與答之間,被訪者也會有反思.
我傾向訪問一些我覺得有意思的人,若看不起的,無謂寫一篇文來罵啦,寫過的,印象中沒有誰因而愧於見人.

wind : 果然好功夫喎, 不過我好怕你地班記者, 比你地寫幾句, 邊度都唔洗去.


[引用] | 作者 Leila | 17th May 2009 09:02 | [舉報垃圾留言]

[3]

有道理. 不過記者寫出好多人想知, 又需要知, 但又唔容易知既東西. 所以你地對社會都好重要架. 繼續監察政府同各機構, 如實報導, 伸張正義, 維持社會公平公義都靠晒你地喇! 仲有, 社會文化既進步, 都系靠你地班年青知識份子去推動架. Go Ahead, 勇往直前啦!


[引用] | 作者 wind | 17th May 2009 09:21 | [舉報垃圾留言]

[4]

記者對社會很重要. 尤其系現今既社會. 甚至比學校老師既影響力更大. 香港而家既教育雖然系改變緊, 但系仍以考試為主導, 好多老師只系活系一個好細既世界裏面, 而好多學校只顧自己團體既利益, 根本無心教好學生, 咁自然會影響學生視野同思維變得狹窄. 學生要見識真實既世界好多時都要靠報紙. 所以記者既質素對整個社會既發展起住好大既關鍵作用.


[引用] | 作者 wind | 18th May 2009 06:41 | [舉報垃圾留言]

[5]

記者可以幫助巿民. 舉個例, 如果學校出現問題, 家長其實好無助, 投訴去教局, 果班官怕咗校董會, 只會低調處理, 息事寧人, 社會上唯有傳媒可以幫忙, 跟住由立法局議員介入跟進. 記者採訪, 家長都會一五一十咁講晒學校d衰野出黎, 呢個就系民主精神, 亦系對社會既一個重要既教育. 警惡懲奸, 杜絕貪贓枉法既事. 所以記者系值得大眾巿民敬佩既.


[引用] | 作者 wind | 18th May 2009 07:39 | [舉報垃圾留言]

[6]

不如搵記者教通識好過啦. 金日蘋果李八方話陶傑果份通識卷唔合格. 陶傑丙番轉頭話出卷既唔合格. 睇黎連改卷既都唔合格. 咁究竟邊個先至可以合格呢? 可能連課程議會都唔會格, 考評局都唔合格, 教統局都唔合格, 咁點解要搞個通識科出黎呢? 真系唔明.

考評果個局張永明, 唔知佢又明唔明呢? 點解通識科冇人合格呀? 可能張來佢會明, 但大家可能永遠都唔會明. 不如取消通識科, 改為新聞科, 由記者去教, 去出卷, 去改, 然後唔計分, 咁咪OK囉, 咁你地明唔明呢? 通識科其實都系靠睇新聞啫.


[引用] | 作者 指南針 | 18th May 2009 16:43 | [舉報垃圾留言]

[7] Re: 指南針

前年進創意書院時,真係有在[中文]和[通識]選擇,是校長選了前者,學生後來也覺得我教[通識]會好d.因為字太醜.
不過查實唔識教書,教什麼都死.

指南針 :
不如搵記者教通識好過啦. 金日蘋果李八方話陶傑果份通識卷唔合格. 陶傑丙番轉頭話出卷既唔合格. 睇黎連改卷既都唔合格. 咁究竟邊個先至可以合格呢? 可能連課程議會都唔會格, 考評局都唔合格, 教統局都唔合格, 咁點解要搞個通識科出黎呢? 真系唔明.
考評果個局張永明, 唔知佢又明唔明呢? 點解通識科冇人合格呀? 可能張來佢會明, 但大家可能永遠都唔會明. 不如取消通識科, 改為新聞科, 由記者去...

leila
[引用] | 作者 leila | 18th May 2009 21:15 | [舉報垃圾留言]

[8]

在日本,女性內衣誰正在尋找新娘


[引用] | 作者 online | 18th May 2009 22:41 | [舉報垃圾留言]

[9] Re: leila
leila :
前年進創意書院時,真係有在[中文]和[通識]選擇,是校長選了前者,學生後來也覺得我教[通識]會好d.因為字太醜.不過查實唔識教書,教什麼都死.
指南針 :不如搵記者教通識好過啦. 金日蘋果李八方話陶傑果份通識卷唔合格. 陶傑丙番轉頭話出卷既唔合格. 睇黎連改卷既都唔合格. 咁究竟邊個先至可以合格呢? 可能連課程議會都唔會格, 考評局都唔合格, 教統局都唔合格, 咁點解要搞個通識科出黎呢? 真系唔...

新高中通識科老師最好能具備文化, 藝術同創意的素質, 你樣樣都有, 點會唔適合呢. 早前津中主席廖亞全提到佢學校將地理同生物老師調去教通識, 我反而為佢通識科既發展擔心. 香港將來冇可能再靠金融, 創意產業至系香港既出路, 邊間學校找到通達文化藝術創意質素既老師, 邊間學校就可以突圍而出.

教學唔一定要系課室, 你可以在報紙或網上出文章, 也可以到學校講專題, 由教局出糧, 最好多點彈性, 身兼多職都得, 保持活力. 創意講包容, 唔理你左派或右派, 中或西思維, 只要你有能力同興趣, 一樣可以闖出成功路. 若香港唔識重視人才, 很難有好發展.


[引用] | 作者 指南針 | 18th May 2009 22:43 | [舉報垃圾留言]

[10]

唔系個個老師都鍾意教通識架, 因為對佢地黎講實在太難以捉摸喇, 教咗咁多年書已經習慣晒標準答案啦. 考通識要計分真系好大壓力. 如果有個尖子會考中英數都攞晒滿分, 但通識就唔合格, 咁系咪話佢唔可以升大學呢, 咁點算好?


[引用] | 作者 wind | 19th May 2009 07:22 | [舉報垃圾留言]

[11] Re: leila
leila :
前年進創意書院時,真係有在[中文]和[通識]選擇,是校長選了前者,學生後來也覺得我教[通識]會好d.因為字太醜.不過查實唔識教書,教什麼都死.
指南針 :不如搵記者教通識好過啦. 金日蘋果李八方話陶傑果份通識卷唔合格. 陶傑丙番轉頭話出卷既唔合格. 睇黎連改卷既都唔合格. 咁究竟邊個先至可以合格呢? 可能連課程議會都唔會格, 考評局都唔合格, 教統局都唔合格, 咁點解要搞個通識科出黎呢? 真系唔...

你校長唔讓你教通識, 可能有好多原因, 或者佢認為記者習慣晒按事實報導, 好理性, 唔能夠引發學生感性既一面, 對社會上既事好麻木.


[引用] | 作者 指南針 | 19th May 2009 10:56 | [舉報垃圾留言]

[12] Re: 指南針

我猜是已經請了人教通識,而語文向來是band3學校的重災區,他或者好奇我會怎教.

不過那年經驗是首要是提高少年人的學習動力,什麼都不想學, 教什麼都沒分別.

至於通識, 家長可以是很好的資源,有一間學校請身兼專業人士家長的協教,一來教師不可能都懂,二來家長一定有心.

leila
[引用] | 作者 leila | 19th May 2009 11:08 | [舉報垃圾留言]

[13]

而家果個會考課程根本系用黎篩選學生上大學. Band2 尾打下既學生都一定冇興趣讀啦. 唔系間間學校都可以搵家長去教通識架, 記者專業好多啦. 但系最重要都系唔好用分數去框死d學生囉, 如果唔系佢地就唔想再讀落去架勒.


[引用] | 作者 指南針 | 19th May 2009 14:15 | [舉報垃圾留言]

[14] Re: 指南針

正是! 所以我也好抗拒會考, 大象白兔河馬,都要比賽游泳!
很多學生也不介意分數,因為根本不合格慣了.只要忍到中五,就可以話中五畢業生,所以年年有八千人會考零分!
其實,都有些記者轉行去教書.不過有心有力的,留在傳媒啦, 報界腐敗過教育界好多!

指南針 :
而家果個會考課程根本系用黎篩選學生上大學. Band2 尾打下既學生都一定冇興趣讀啦. 唔系間間學校都可以搵家長去教通識架, 記者專業好多啦. 但系最重要都系唔好用分數去框死d學生囉, 如果唔系佢地就唔想再讀落去架勒.


[引用] | 作者 Leila | 19th May 2009 16:02 | [舉報垃圾留言]

[15]

傳媒都腐敗, 咁d通識科咪好牙煙, 香港真系失咗方向喇. 對於社會既腐敗現象, 我地系有責任去指出同改變佢, 唔系既話, 我地d下一代就無晒希望, 點樣同其他國家競爭, 點樣系國際上立足呢?


[引用] | 作者 指南針 | 19th May 2009 16:52 | [舉報垃圾留言]

[16]

記者參與創意產業建樹. 明日世界主人翁唔再系律師, 醫生, 工程師喇....而系創意階級既人. 你地記者都系其中一份子, 好好珍惜啦. 家陣學校d老師唔系好識文化藝術創意d野, 培育創意學生有難度, 再加上課程緊迫, 掛住催谷考試, 好難搞創意.

而家全世界都系度鬥緊創意文化果類野, 唔系鬥飛蛋. 香港再拖落去, 會落後到追唔切架勒. 我地既強項系中西文化大混雜, 呢d系愛黎做創意既元素. 最大鑊既系如果你唔做好自己中華文化, 果d日本仔動漫就會同化晒你d中華文化, 將三國戰將變晒美笑女, 真攞命!


[引用] | 作者 wind | 19th May 2009 20:11 | [舉報垃圾留言]

[17]

很喜歡你這篇文章, 可以讓我轉載至facebook嗎??


[引用] | 作者 V | 8th Jun 2009 00:33 | [舉報垃圾留言]

[18] Re: V

可以呀~

V :
很喜歡你這篇文章, 可以讓我轉載至facebook嗎??


[引用] | 作者 Leila | 8th Jun 2009 18:28 | [舉報垃圾留言]